Lekha Books

நான் அவளுக்கு வெயில் வெளிச்சத்தின் புடவையை அணிவித்தேன். பூக்களின் அழகையும் அளித்தேன். ஆகாயத்தின் நீல வெளியாகவும் அடர்ந்த காட்டின் பச்சை மரங்களுக்கு மத்தியிலும் அவளுடன் சுற்றித் திரிந்தேன். கிளிகள் என்னுடைய காதல் பாடலைப் பாடி, கேட்கச் செய்தன.

பிறகும், அவள் அறியவில்லை. ஆழக்கடலைவிட ஆழமானதாக இருந்தது என்னுடைய காதல். மிகப்பெரிய ஆசையைவிட பெரியதாக இருந்தது என்னுடைய விருப்பம்.

அதற்குப் பிறகும் அவள் தெரிந்து கொள்ளவில்லையே! இப்போது வயதான காலத்தில், பிரபஞ்சத்தின் இறுதியில் தொடர்ந்து விழுந்து கொண்டிருக்கும் இந்தப் பெரும் மழை என்னுடைய கண்ணீராக ஆகிறது என்ற உண்மையை மட்டும் அவள் அறிந்து கொள்வாளா? ஹா! கஷ்டம்!

I HAVE LOVED

THEE

WITH AN

EVERLASTING

LOVE

(JEREMIAM 31: 3)

எனக்கு காதலைக் கற்றுத் தந்த, காதலால் சந்தோஷப்படுத்திய பழைய இளம்பெண்ணே! உனக்கு எப்போதும் நல்லது நடக்கட்டும்.